Linte
een gedicht van Anja Cuypers
Mien holt is bijna op
‘t Is ouk neet mièr kalt
De linte zit weer in de lóch
‘t Zunke, wao ik zoeë van halt
det schient alwaer op mien behang
ik koester mich in eur volle leech
en op mien vinsterbank
zeen ik de ièrste vleeg
De linte is d'r weer in vol ornaat
wáat ‘n geweldig jaorgetiéj
de zón, de kleure, aope deure
en alles greujt en bleujt opniej
De minse zien waat vrintelikker
zeen d'r weer wat moejer oet
en geis se ef in ‘t veurjaorszunke
kriegse al ‘n kleurke op dien snoet
ik gaon verkansieplanne make
en dan mien rame wasse
en vanmiddig nao de zölder
kieke of mien zomerkleijer intellik waat baeter passe......
Anja Cuijpers
