Kers 2010
As ik in det stelke kiek
En dae’n bebie zeen in ziene neksen boeëk
Dink ik; wat mót det kald zien gewaes
Zónder verwerming, kechelke of kroek
Gen pan met aete op ‘t gaas
Gen weeld of luxe, niks van det al
Allein det kiendje en wat minse
En wat bieste in de stal
En elk jaor opniej dan zeen weej
Wie det oeits is begós
En wie det kiendje in det kribke
Gebaore is veur ós
Um ós gelôk en vrede te bringe
Maar det lök neet hielemaol
Want hiel vuul minse lieje hónger
En hebbe niks aan dit verhaol
Ouk is d’r huul vuul ruzie
En oorlog op deez’aerd
En veur sommige minse
Is ‘t Kersverhaol neet zoeëvuul waerd
Maar as weej met z’n alle streve
Nao ‘n waereld zónder oorlog, zónder bómme
Met aete genóg veur idderein
Dan zal dae d’r toch ouk waal kómme?
‘n Waereld zónder aafguns of jaloezie
Maar allein verdraagzaamheid
En huul vuul leefde in de herte
Ik bin benied of dae besteit….
Anja Cuijpers
