Druim
As ik in ‘t veurjaorszunke
Mich koester en zoeë lekker luim
Bedink ik met geslaote ouge
‘nen huul erg moeëjen druim….
Ik wil ‘t journaal vergaete
En waat ik gister zoog
Wie de grónd in Tokio
Bezeid met lieke loog
Wie minse op de vluch geslage zien
Um te ontkómme aan geweld
In lande wao geschaote wuurt
Ein minselaeve mier of minder neet telt
Allein de veugelkes wil ik hure
En genete van de zón
Al zoe ik toch waal wille
Det idderein det kón
Dus in mienen druim is vrede
Aete zat veur idderein
Vreejheid, blieheid, kinder speule
En weej slaon de hand inein
Óch, as det ens waor kós zien
Det ónder det zunke waat op mich duit schiene
Hónger, rampe, oorlog en geweld
Noow ens ech verdwiene!
Anja Cuypers
