Kers 2011
D’r lik nog gen diek pak witte sniej
Maar det kin zoë verandere
Ut jaor ging vuulste snel veurbeej
Net wie alle andere
We kieke alweer oet nao Kers
En nao gezellig samezien
Is d’r emus beej gekómme
Of aafgegaon misschien
Rónd um de taofel tooste we
Op vrede en gelôk
En det we in góije gezôndheid
Same zien en haopelik nog huul dôk
Want zoë kwetsbaar is ut laeve
Den eine wuurt d’r negetig
En den andere
Is nog gen vieftig jaor gegaeve
Ut laeve is zoë wónderlik
Met unne lach en un traon
Met berge en met dale
Met zón maar auk met maon
Laote we ut nieje jaor maar wilkóm heite
En met aope erm óntvange
En zoë wie un kind iddere niejen daag beginne;
Vol verwachting, lachend, ónbezôrgd en ónbevange
Ik wins unne gas fijne dage
Veur óg en al óg blage…..
Anja Cuijpers
