Linte
Umerm mich, verwerm mich
Kom maar linte, kom maar gauw
Laot mich druime, laot mich luime
In diene werme morgedauw
Kóm maar lente, gaef mich vleugels
Dreij mich in dien caroussel
Laot mich ruke al dien geure
Kleur mich met dien kleurespel
Verras mich met dien zónnestraole
Ze druge mich wie un cocon
Det ‘n vlinderke wilt waere
In de werme lentezón
Kóm maar lente ik wach al zoeëlang
Heb zoeë nao dich oetgekeke
Wie ‘t grauw waas boete binne
Alle kleure die verbleke
Maar altied heb ik waal geweite
Daen hiele winter lang
Det ik ens waer zonnesträölkes
‘s Morges zeen op mien behang
Ik sloet mien auge, loup nao boete
Met gespreide erm op straot
Heit ik dich wilkóm moeie lente
Kóm, det ik dich binne laot
Anja Cuijpers
